Um dag heimskingjana og dómarann.

Eitthvað fór þessi saga fyrir brjóstið á vissu fólki sem greinilega hatar biblíuna. Fullyrðingar um að Guð hati mig og verðleggi mig lægra en karlmenn, nenni ég ekki að eltast við. Ég hef örugglega lesið meira og nánar í biblíunni minni en sá sem slíka athugasemd ritaði. Skrifin bera vott um innri sársauka og skort á skilningi. Ég bið  góðan Guð að umvefja þennan einstakling með þeim kærleika sem enginn maður fær skilið til fulls. Jesús dó fyrir konur jafnt sem karla og hinar hörðu reglur sem settar voru í þá gömlu daga voru settar vegna ástæðna. Gleymst hefur að skoða hve þeir menn sem töldu sig þjóna Guði brenndu marga fyrir að boða sannleikann í Guðs orði, menn eins og Tyler og fleiri sem hættu lífi sínu til að almenningur fengi að lesa ritninguna með eigin augum.

Það eru ekki Guðs verk sem eru grimm einvörðungu, það er maðurinn og syndugt eðli hans sem er að fótum troða mannréttindi og skýlir sér stundum bak við trúna til að slá ryki í augu manna.

En þeir sem kjósa að líta á Guð sem grimman og óréttlátan hafa til þess frelsi og geta haft sínar skoðanir án þess að ég ætli að meina þeim það. Ég ætla að nota mitt frelsi til að kynnast Guði enn betur og til að fagna komu Jesú þegar hann kemur aftur til jarðar. Þangað til verð ég að þrauka hvort sem mennirnir gera mér lífi stundum leitt eða ei. Ég treysti þeim sem dó fyrir mig.

Athugasemdir

[Hólmfríður Pétursdóttir, 12.6.2009 kl. 23:04]

Þórdís, ekki taka DoctorE alvarlega. Það sem hann skrifar er ekki þess virði að taka það nærri sér.

Haltu þínu striki og treystu Guði æ og ætíð.

[Þórdís Ragnheiður Malmquist, 16.6.2009 kl. 14:23]

Takk fyrir þitt elskulega innlegg, já ég mun alltaf treysta Guði enda hef ég verið að ynnast honum undanfarin 22 ár og sambandið bara dýpkar og styrkist. Guð blessi þig og þína.