Bráðum koma blessuð jólin?

Hef ekki gefið mér tíma til að blogga svo ósköp lengi og ákvað að setja smá hugrenningar inn núna. Skammdegið fer ekki vel í mig nú fremur en oft áður. Ástandið í þjóðfélaginu lagar það heldur ekkert. Ósjálfrátt hugsar maður til þeirra sem hafa það verulega erfitt og það er ekki létt að vera sátt með allt sem gerst hefur á rúmu ári. Við hjónin byggðum húsið okkar fyrir nokkrum árum og vorum bjartsýn. Ekki stórt hús og engan íburð, bara þægilegt hús fyrir okkur sem við ætluðum svo að selja síðar og fara í þjónustuhúsnæði. Já við erum nefnilega rúmlega miðaldra og næsta ár er minn maður löggildur sem ellilífeyrisþegi en ég á þá sjö ár eftir í það. Við héldum líka í fyrra að við mundum geta haft það þokkalegt í ellinni. Já ég hélt að við gætum farið suður í sólina smástund á vetrartíðinni til að fá smábirtu í kroppinn og hressa upp sálartetrið.  Nú eru það víst bara þeir sem eiga "auðinn" sem geta leift sér að hugsa svoleiðis. Jú og þeir sem hafa alltaf átt sína fasteign og ekki misst maka eða staðið í skilnaði. Því allt slíkt setur strik í reikninginn. Við hjón rugluðum saman reitum fyrir nokkrum árum, hann ekkjumaður, ég löngu fráskilin. Ég keypti gamla íbúð og við gerðum hana upp, á meðan við byggðum húsið okkar. Seldum svo fína nýuppgerða íbúð og áttum smá til að setja upp í kostnað á húsbyggingunni. Svo tókum við uppá að gifta okkur og þá urðum við að greiða út móðurarf til barna mannsins míns. Það var svo sem hið besta mál en við gættum ekki að einu. Við vorum komin langt með byggingu nýja hússins og það hækkaði alltaf að verðgildi.  Þar með hækkaði arfurinn. Vissulega gott og blessað en áður en við vissum af þurftum við að fá meira lán til að klára húsið því nokkrar miljónir af húsnæðisláninu fóru í að greiða út arfinn.  Svo við tókum 4 millur í erlendum. Já og svo vitið þið framhaldið. Ég freistaðist líka til að taka við bíl hjá elskulegum syni mínum, góður og sparneytinn bíll á körfuláni. Aðeins 2,6 eftir, 46 þús á mánuði og lágir vextir. já, já gott mál ég sló til. Nú kostar hann eða lánið 4,8 og afborganir, jú ég gat með naumindum fengið að halda mig við 60 þús, í greiðslur á mánuði.   Ég fékk engar launahækkanir fremur en aðrir og á ekki kröfu í þrotabú bankanna vegna "ábyrgðar" minnar í bankamálum. Engin ofurlaun við að hjúkra öldruðum. Svo nú sit ég hér og spyr sjálfa mig, mun birta til með hækkandi sól eða verður enn meiri örvænting. Hvernig geta sumir fyrrverandi bankastarfsmenn bara setið og haldið til streitu kröfum um "umsamin" laun og eftirlaun eða uppsagnarlaun á meðan öll þjóðarskútan og bankarnir eru líkt og Títanik forðum, á leiðinni niður á botn.  Ég fékk ekki greidd umsamin laun, neitaði mér um þau með þjóðarsátt.  Hvar eru þessir menn staddir í tilverunni. Þeir eru varla að farast úr peningaleysi í bili. Og hvernig er hægt að greiða út arð úr tómu búi?  Ég bara spyr.  Þegar við greiddum út arfinn, tókum við af lánsfé og það kom svo aftan að okkur síðar. Við vorum ekki nægilega aðhaldssöm og gætin. Leifðum okkur að fara í heimsókn til útlanda að heimsækja börnin, það kostar sitt. Já við vorum bara bjartsýn og héldum að það sem var viðráðanlegt þá, yrði svoleiðis áfram.  Ég vona að þeir sem eiga svo margfalt meira en þeir þurfa til að lifa sómasamlegu lífi, sjái nú heiður sinn í því að axla eitthvað að þeim byrðum sem við meðal og láglauna fólk höfum þurft að taka á okkur hingað til. Það er kominn tími til. Í 3. kafla síðara Tímóteusarbréfs getur að líta þessi orð: ¹  Vita skalt þú þetta, að á síðustu dögum munu koma örðugar tíðir. ²Mennirnir verða sérgóðir, fégjarnir, raupsamir, hrokafullir, lastmælendur, foreldrum óhlýðnir, vanþakklátir, vanheilagir, ³kærleikslausir, ósáttfúsir, rógberandi, taumlausir, grimmir, ekki elskandi það sem gott er, ⁴sviksamir, framhleypnir, ofnmetnaðarfullir, elskandi munaðarlífið meira en Guð. ⁵Þeir hafa á sér yfirskin guðhræðslunnar, en afneita krafti hennar. Snú þér burt frá slíkum!

Finnst ykkur þetta ekki merkilegt í ljósi núverandi kringumstæðna?.  Jæja ég er búin að rasa út í bili og gleymdi myrkrinu  um stund. Í nótt fer ég að vinna við að sinna þeim sem liggja oft vakandi vegna verkja eða veikinda af alvarlegum toga. Þetta fólk sem við vonuðum að mundi geta fengið einkaherbergi á þjónustustofnum okkar og fengið svefnfrið fyrir misgóðum stofufélögum. Fengið að hafa svolítið notalegt í kring um sig og gert umhverfið persónulegt. En nú verðum við að spara og spara. Passa að nota ekki mikið af dýrum stykkjum eða öðru sem má komast af með í minna  mæli. Við höfum strítt við bilanir í vatnskerfinu hjá okkur og stundum er eilífðartíma að renna í baðkarið og maður má þakka fyrir að geta baðað þá sem þarf að baða  á þeim tíma sem ætlaður er til þess. Og að lyfta þeim blessuðum. Jú ef ekki væru til öll þessi félög sem gefa tæki til slíkra hluta, já þá værum við margar orðnar sjálfar öryrkjar vegna of mikils álags á axlir og bak, svo mikið er víst. En þeir sem þola ekki að hafa minna en milljón eða enn meira á mánuði eru varla að hugsa um þetta. Þeir kæmu aldrei nálægt því að sinna svona gömlu og veiku fólki. það gefur svo lítið í aðra hönd. En auðvitað vilja þeir að þeirra eigin hafi það gott í ellinni. Og það finnast leiðir til þess. Það er bara fyrir þá útvöldu og kostar mikla peninga. Samábyrgð er eitthvað sem þessu fólki virðist vonlítið að skilja. Þú átt að gæta bróður þíns og þú átt að deila með þér ágóða þínum. Þú átt að hjálpa fátækum og ekkjum og gæta þeirra munaðarlausu. Ég bið Guð að blessa þá sem slíkt gjöra og koma vitinu fyrir þá sem hafa gleymt sér í græðgi og kapphlaupi um að eiga flottasta sumarbústaðinn og dýrasta bílinn. Það er löngu komið nóg.   Munið líka að það er engin skylda að halda jól með miklum tilkostnaði, Jól voru fundin upp af mönnum og þróuð af þeim. Jesús hélt engin jól, hann gerði bara góðverk. Við þurfum ekki að spenna bogan svona hátt og farast úr kvíða yfir kortaskuld og þess háttar.  Hættið að dansa með kaupmennskuhrunadansinum. Þökkum fyrir líf og heilsu ef við getum og styðjum við þá sem ekki njóta slíks. Slakið á og njótið samveru með þeim sem kunna að meta það að þú/þið viljið vera bara til staðar. Hittið barnabörnin oftar þið sem hafið sjaldan tíma og heimsækið gamla fólkið sem sumt virðist gleymast inni á öldrunarstofnun. Lifið heil.

 

Um dag heimskingjana og dómarann.

Eitthvað fór þessi saga fyrir brjóstið á vissu fólki sem greinilega hatar biblíuna. Fullyrðingar um að Guð hati mig og verðleggi mig lægra en karlmenn, nenni ég ekki að eltast við. Ég hef örugglega lesið meira og nánar í biblíunni minni en sá sem slíka athugasemd ritaði. Skrifin bera vott um innri sársauka og skort á skilningi. Ég bið  góðan Guð að umvefja þennan einstakling með þeim kærleika sem enginn maður fær skilið til fulls. Jesús dó fyrir konur jafnt sem karla og hinar hörðu reglur sem settar voru í þá gömlu daga voru settar vegna ástæðna. Gleymst hefur að skoða hve þeir menn sem töldu sig þjóna Guði brenndu marga fyrir að boða sannleikann í Guðs orði, menn eins og Tyler og fleiri sem hættu lífi sínu til að almenningur fengi að lesa ritninguna með eigin augum.

Það eru ekki Guðs verk sem eru grimm einvörðungu, það er maðurinn og syndugt eðli hans sem er að fótum troða mannréttindi og skýlir sér stundum bak við trúna til að slá ryki í augu manna.

En þeir sem kjósa að líta á Guð sem grimman og óréttlátan hafa til þess frelsi og geta haft sínar skoðanir án þess að ég ætli að meina þeim það. Ég ætla að nota mitt frelsi til að kynnast Guði enn betur og til að fagna komu Jesú þegar hann kemur aftur til jarðar. Þangað til verð ég að þrauka hvort sem mennirnir gera mér lífi stundum leitt eða ei. Ég treysti þeim sem dó fyrir mig.

Hvaða dagur er dagur heimskingja?

In Florida, an atheist hired an attorney to   bring a discrimination
case against Christians & Jews and the observances of their holy days.

The argument was that it was unfair that atheists had no such recognized
days.
The case came up before a judge & after listening to the passionate
presentation by the lawyer, without hesitation, the judge banged his
gavel declaring, "There is no case to answer...Case dismissed!"
The lawyer immediately stood, objecting to the ruling, saying, "...But
Your Honour, how can you possibly dismiss this case?   The Christians
have Christmas,   Easter and Saints Days..  .The Jews have Passover, Yom Kippur and Hanukkah,  yet my client and all other atheists have no such special days."

 

The judge leaned forward in his chair saying,   

 "But that's not so...I suggest that both your client & you counsellor, are sadly ignorant concerning this subject."

The lawyer said, "Your Honour, we are unaware of any special observance
for atheists & would be grateful for your guidance."

The judge said, "The calendar says April 1st is April Fools Day.

Psalm 14:1 states,

'The fool says in his heart, there is no God.'Thus, it is the opinion of this court, that if your client says thereis no God, then he is a fool.

 

Therefore, April 1st is his day.

Courtis adjourned."

You gotta love a Judge who knows his scripture!


Í Flórída fékk vantrúarmaður sér  lögfræðing til að stefna í máli gegn Kristnum og Gyðingum og öðrum sem halda vissa daga heilaga.

Málið byggðist á því að það væri óréttlátt og  mismunun að trúlausir hefðu engan slíkan viðurkenndan dag.

Málið kom fyrir dómara og eftir að hafa hlustað á innihaldsríka ákafa kynningu lögfræðingsins, sló dómarinn hamrinum í borðið og tilkynnti: “Það er ekkert mál hér til að svara, þar með er  því er vísað frá”

 Lögfræðingurinn mótmælti strax úrskurðinum og sagði:” en háttvirtur dómari, hvernig getið þér vísað þessu máli frá? Kristnir hafa Jól, páska og dýrlingadaga. Gyðingarnir hafa páskahátíð, Yom kippur og Hanukkah, samt hefur skjólstæðingur minn og aðrir trúleysingar enga slíka sérstaka daga”

 

Dómarinn hallaði sér fram í stólnum, og sagði: “ En því er ekki svo varið, ég geri ráð fyrir  að bæði þér og skjólstæðingur yðar séuð sorglega fáfróðir varðandi þetta málefni”

 

Lögfræðingurinn svaraði: “Háttvirti dómari, okkur er ekki kunnugt um neina sérstaka daga ætluðum til helgihalds fyrir heiðingja og yrðum þakklátir fyrir leiðsögn yðar”

 

Dómarinn svaraði:

“ Almanakið segir að 1. apríl sé dagur heimskingjans. Í  Sálmunum 14.kafla og 1. versi stendur: Davíðssálmur.
Heimskinginn segir í hjarta sínu:
„Enginn Guð.“
Ill og andstyggileg er breytni þeirra,
enginn gerir það sem gott er. Það er því skoðun þessa réttar, að ef skjólstæðingur yðar segir að það sé ekki neinn Guð, þá er hann heimskingi. Þar af leiðandi er 1. apríl hans dagur. 

Rétti er slitið. Gott að vita um dómara sem þekkja heilaga Ritningu.

Laus úr fangelsi Satans

Frjáls úr fangelsi Satans. 

Þegar ég hóf að skrifa þessa hugleiðingu, leituðu tárin fram í augu mér , vinnufélagi minn, 46 ára, móðir og eiginkona missti mann sinn á hörmulegan hátt í  fyrir skömmu,  jeppabifreið ók framan á bifreið hans á fullri ferð og svipti burt lífi fjölskylduföður á einu andartaki. Ein röng ákvörðun,  ein vanhugsun,  enn ein ógæfa og sorg. Ástæðan er ekki ljós og ekki rétt að fullyrða eitt né neitt um hver átti "sök", en hvort sem um er að ræða ofþreytu, áfengi eða annað, þá er afleiðingin óafturkallanleg. Það eina sem ég vil segja hér er að guði sé lof fyrir að þeir sem deyja vita ekki hvað er að gerast. Þeir sofa dauðasvefni og tíminn er ekki til hjá þeim. Þeir vakna fyrst þegar Frelsarinn kemur aftur , eins og hann lofaði, og vekur upp dána með raust þess sem mælti fram Orð og það varð, sjá sköpunarsöguna.

Fyrir þá sem vilja vita meira um dauðann, hvet ég til lesturs á Prédikaranum og einnig til að lesa Matteus. Jesús kemur víða inn á þetta og hann syndi okkur líka ljóslega hvað dauði er , þegar hann kallaði Lasarus fram úr gröfinni. Jesús sýndi þar með að hann er fær um að vekja upp þá dánu.

En ekki meira um það að sinni, hér á eftir kemur sönn saga um ungan mann.

             Dennis óx  upp í fjölskyldu þar sem ofbeldi var daglegt brauð. Kærleikur , andlegur þroski eða leiðsögn voru víðsfjarri.  Leið hans lá inn í dimma myrkviði eiturlyfja, siðleysis og peningagræðgi.   Dag einn bauð yfirmaður hans honum  í kirkju með sér. “  Mér fannst það skrítið vegna þess að hann vissi að ég notaði eiturlyf og seldi þau” , sagði Dennis síðar,   en afþakkaði boðið, sem leiddi til þess að yfirmaðurinn bauðst þá til að taka Travis, 5 ára son  hans, með sér. “Þá sagði ég”, sagði Dennis,  “ að ef ég gæti gert eitthvað rétt í þessu lífi þá væri það að ég vildi að sonur minn fengi að vita hver þessi Jesús er.  Hugsanir mínar voru þær að það væri þó enn von fyrir hann. Hann er  bara 5 ára, hann er óspilltur. Ég hafði heyrt um himnaríki og helvíti og ég var nokkuð viss um hvert ég færi en sonum minn hefði enn tækifæri”.            Skömmu síðar bauð annar vinnufélagi Dennis og syni hans til kirkju. Þeir mættu nokkrum sinnum, en Dennis fannst hann hræsnari að mæta svona í kirkju verandi enn að nota og selja eiturlyf.  Hvað sem því leið gaf þessi vinnufélagi og kona hans, Dennis biblíu, sem hann stakk upp í hillu í algeru áhugaleysi. Dennis sagði fljótlega upp starfinu og  fór að selja eiturlyf  eingöngu, til að afla fjár.  Innan skamms var hann líka kominn í félagsskap spíritista. Ekki löngu síðar fór rannsóknarlögreglan að skoða Dennis nánar og eiturlyfjahringurinn ákvað þar með að losa sig við hann, með því að drepa hann.  Hræddur og  dapur sendi Dennis litla Trevor til móður sinnar til að búa hjá henni.             Kvöld eitt er hann lét hugann reika, kom allt í einu ljóð , sem heitir “Jesús sagði”, líkt eins og ósjálfrátt á blaðið sem hann skrifaði á.  Þó að hann hafði aldrei lesið biblíuna til að vita hvað Jesús hafði sagt í raun og veru,  talaði heilagur Andi til hans í gegn um orðin sem hann hafði rétt í því skrifað.  “ Stórkostleg upplifun af friði og vellíðan , kom yfir mig. Guð  kynnti sjálfan sig fyrir mér á þessu augnabliki á þann hátt að ég gat skilið það án nokkurs vafa. Ég vissi nú  að Guð var raunverulegur vegna þess að í fyrsta skipti í lífi mínu fann ég von þrátt fyrir stöðu mína”             Dennis fann biblíuna sem vinnufélagi hans hafði gefið honum og hóf að lesa .“Ég  vildi breytingu inn í líf mitt og fann sterka sannfæringu um að það sem ég væri að aðhafast í lífi mínu , væri rangt”.           Vikur liðu þar sem Dennis reyndi að  laga sjálfan sig, án árangurs. Að lokum í algjörri örvæntingu, hrópaði hann til Guðs um hjálp.  Næsta dag var hann handtekinn af leyniþjónustunni. ”Þetta var ekki alveg mín útgáfa af hjálp” sagði hann, “en við þjónum stórkostlegum Guði. Þegar kemur að því að bjarga sál sem hrópar á lausn frá synd, þá sóar Hann engum tíma”. ‘Í fangelsi hóf Dennis að lesa biblíuna. “Ég gat heyrt Guð tala til mín í hvert sinn sem ég opnaði biblíuna. Ég las líka bókina  “Skilinn eftir” (Left behind) og hugsaði, “þetta er lygi,  þetta er ekki sá Guð sem ég hef lesið um í biblíunni”.    Um síðir deildi Dennis  klefa með manni sem var að nema biblíuna gegn um bréfa-fjarnám. Fyrsta lexían sem Dennis  las var líkt og svalandi vatn þyrstum manni.  Á innan við viku hafði hann lesið og lokið við að læra 12 lexíur. Með hverri nýrri lexíu og sannleik sem opnaðist honum, setti Dennis það sem persónulega tengingu inn í líf sitt og gerði að sínu.  “Ég gat séð hve mjög Guð elskaði mig, og  mig langaði til að bregðast við, sýna svörun. Það sem virkilega byggði upp trú mína var að ég sá hvernig ég gat treyst biblíunni gegn um spádóma hennar. Spádómurinn um 2300 dagana,(sjá Daníelsbók) sýndi mér að Jesús var Messías.  (hinn smurði). Við það að sjá kærleik hans frá sköpuninni allt fram að krossinum, fékk mig til að gera mér grein fyrir að Biblían var engin venjuleg bók. Þegar ég sé  hvílíkan kærleik Jesús ber til mín, hví skildi ég þá lifa í andstöðu við það.            Dennis eyddi næstu tveim árum í 5 mismunandi fangelsum. Yfir þann tíma komu meðlimir kirkju,  sem heldur hvíldardaginn helgan, reglulega til hans og veittu kristilega þjónustu og færðu honum meira efni frá Amazing Facts.  Trúföst þjónusta þeirra efldi trú og skilning Dennisar. Hann var skýrður áður en hann yfirgaf fangelsið. Frá því að Dennis fékk lausn fyrir um 6 árum, hefur hann notað hvert tækifæri til að vitna og deila reynslu sinni. Í dag er hann eftirsóttur sem  fyrirlesari í kirkjum og fangelsum. Hann skrifaði einnig bók sem heitir “ From the cell to the cross”, (Frá klefanum til krossins”),  sem lýsir  reynslu hans og krafti Guðs til þess að frelsa og umbreyta lífum.  Bók þessi hefur verið send  til margra fanga út um Bandaríkin. Meðvitaður um áhrifamátt persónulegs vitnisburðar, lét Dennis fylgja með lista yfir biblíuleiðsögn og kennsluhefti fáanleg gegn um Amazing Facts  ( sjá amazingfacts.org) og upplýsingar um hvernig hægt væri að nálgast þau.” Ein bók eða leiðsagnarhefti mun verða lesið af fjölda manns” segir hann, “í fangelsi deilir einn með öðrum, og þeir svo áfram til annarra”.  Kirkjan sem þjónaði  og leiddi  Dennis hefur nú þegar fengið fjölda bréfa með beiðnum um biblíunámsbréf frá Amazing Facts og um meiri upplýsingar varðandi hvíldardaginn.            Dennis er nú kvæntur og hann og kona  hans, Melody, eru nú saman helguð  í þjónustu við Drottin. Þau  vonast til að geta í náinni framtíð aflað sér frekari hæfileika og þekkingar til að styrkja talentur sínar og til að vera betur búin til að deila  kærleika Guðs með öðrum. Ein mesta gleði Dennis hefur verið að kynna Jesú fyrir  syni sínum. Núna, miklu fremur enn að láta öðrum slíkt hlutverk eftir, nýtur Dennis þess að geta sagt Travis sjálfur frá Frelsaranum.  “Aðeins Drottinn Guð veit hve djúpt þakklæti ég ber í brjósti fyrir trúmennsku Amazing Facts.  Þið hafið verið  verkfæri í hans hendi  ekki aðeins í að ná til mín, en einnig sonar míns, sem er að kynnast Jesú í gegn um reynslu mína, og með hjálp ykkar í þjónustunni við að bera fram og kenna Orð Guðs á svo kláran og skiljanlegan hátt.             Dennis var svo lánsamur að kynnast Frelsaranum áður en hann tók líf annarra á svo skyndilegan hátt. Vissulega hefur líferni hans haft örlagarík áhrif á marga veikgeðja sál, kannski valdið dauða, við fáum ekki að vita það hér og nú, en hann losnaði úr fjötrum Satans og fékk tækifæri til að láta gott af sér leiða, tækifæri til að þjóna  Jesú og ganga með honum.Jesaja 35:10. Hinir endurkeyptu Drottins hverfa aftur og koma fagnandi til Síonar, eilíf gleði fer fyrir þeim, fögnuður og gleði fylgja þeim en sorg og mæða flýja. Á hverjum degi heyrum við fréttir af ógæfusömu fólki sem er bundið helfjötrum og maður hugsar ósjálfrátt, “þetta hlýtur að fara að taka enda, Guð getur ekki látið svona margar sálir týnast í heim eiturlyfja án þess að gera eitthvað”. En svo hvíslar innri rödd, “þetta er frelsið til að velja hverjum þú fylgir.”  Lúkasarguðspjall 9:23Og Jesús sagði við alla: „Hver sem vill fylgja mér afneiti sjálfum sér, taki kross sinn daglega og fylgi mér Enginn er neyddur til að fylgja Drottni, við höfum val. Ef við veljum að hlusta á höfund lyga og blekkinga, ef við veljum að elta það sem kitlar eyrun og nærir hégómagirnd okkar eða veitir stundar vellíðan og sjálfstraust,  þá erum við engu betur sett en þeir vesalings villtu einstaklingar sem týnst hafa í heiminum og þekkja ekki sinn vitjunartíma.Sá tími mun koma að mennirnir verða, og svo kemur löng upptalning slæmra ávaxta syndar og eyðileggingar, margir þekkja þennan kafla í 3. kafla , annars Tímóteusarbréfs. (Hvet ykkur til að lesa hann) Á síðustu dögum¹En það skaltu vita að á síðustu dögum munu koma örðugar tíðir. ²Menn verða sérgóðir, fégjarnir, raupsamir, hrokafullir, illmálugir, óhlýðnir foreldrum, vanþakklátir, guðlausir, kærleikslausir, ósáttfúsir, rógberandi, taumlausir, grimmir og andsnúnir öllu góðu, sviksamir, framhleypnir, drambsamir og elska munaðarlífið meira en Guð. Þeir hafa á sér yfirskin guðhræðslunnar en afneita krafti hennar. Forðastu þá.

⁸Eins og þeir Jannes og Jambres  

  (Nöfn töframanna sem nefndir eru í 2.Mós 7.11, 22.)

 stóðu í gegn Móse þannig standa þessir menn í gegn sannleikanum. Þeir eru menn hugspilltir og óhæfir í trúnni.

En þeim verður ekki ágengt því að heimska þeirra verður hverjum manni augljós eins og líka heimska hinna varð.

  Allt sem þarna stendur er svo óhugnanlega nákvæmlega eins og heimurinn er í dag. Valið stendur milli höfðingja þessa heims og okkar æðstaprests, Jesú Krists, sem senn mun koma í mætti og mikilli dýrð.  Þangað til getum við valið að bíða og sjá til, sjá hvað hinir eru að gera, eða ekki að gera.  Sagt sem svo, allt er óhætt enn, nægur tími. Bíða eftir regninu. Hvað ef Jesús kæmi á morgun? Erum við tilbúin.?    Voru lærisveinarnir viðbúnir því að Jesús færi á þann hátt sem hann sagði fyrir um?  Nei ekki fremur enn vinnufélagi minn sem stendur nú ein eftir án eiginmanns. Við viljum ekki trúa að tíminn renni frá okkur, viljum ekki trúa að allt í einu sé allt búið, um seinan, óafturkallanlegt.     Maðurinn hefur í gegn um tíðina gert allt mögulegt til að  snúa á tímann. Kenning um líf eftir dauðann er orðin svo rótgróinn að stór hluti þjóðarinnar trúir að dauðinn sé aðeins flutningur yfir á annað svið. Trúir að maðurinn eigi sér fyrri líf.  Fastráðnir miðlar í fullu starfi koma með upplýsingar um horfur í efnahag þjóðarinnar og fá mikið og áberandi pláss í  vinsælum tímaritum til að birta  “sannindi “ sín og spádóma.  Þegar svo í ljós kemur að sá “sannleikur” hefur ekkert með Guð að gera, þá er tíminn að renna út. Brúðguminn að koma, of seint að skilja hismið frá kjarnanum og finna sannleikann. Flestir kannast við textann í 24. kafla Matteusarguðspjalls.     Skelfist ekki

¹Jesús gekk út úr helgidóminum og hélt brott. Þá komu lærisveinar hans og vildu sýna honum byggingar helgidómsins. Hann sagði

við þá: „Sjáið þið allt þetta? Sannlega segi ég ykkur, hér verður ekki steinn yfir steini, allt verður lagt í rúst.“
³Þá er Jesús sat á Olíufjallinu gengu lærisveinarnir til hans

 og spurðu hann einslega: „Seg þú okkur, hvenær verður þetta? Hvernig sjáum við að þú sért að koma og veröldin að líða undir lok?“
⁴Jesús svaraði þeim: „Varist að láta nokkurn leiða yður í villu. ⁵Margir munu koma í mínu nafni og segja: Ég er Kristur! og marga munu þeir leiða í villu. ⁶Þér munuð spyrja hernað og ófriðartíðindi.

 Gætið þess að skelfast ekki. Þetta á að verða en endirinn er ekki þar með kominn. ⁷Þjóð mun rísa gegn þjóð og ríki gegn ríki, þá

verður hungur og landskjálftar á ýmsum stöðum. Allt þetta er

upphaf fæðingarhríðanna.
⁹Þá munu menn framselja yður, pína og taka af lífi og allar þjóðir

munu hata yður vegna nafns míns. ¹⁰Margir munu þá falla frá og

framselja hver annan og hata. ¹¹Fram munu koma margir

falsspámenn og leiða marga í villu. ¹²Og vegna þess að lögleysi

magnast mun kærleikur flestra kólna. ¹³En sá sem staðfastur er allt

 til enda verður hólpinn. ¹⁴Fagnaðarerindið um ríkið verður prédikað

 um alla heimsbyggðina til þess að allar þjóðir fái að heyra það. Og þá mun endirinn koma. Trúið því ekki

¹⁵Þegar þér sjáið viðurstyggð eyðileggingarinnar, sem Daníel spámaður talar um, standa á helgum stað“ -; lesandinn athugi það -; ¹⁶„þá flýi þeir sem í Júdeu eru til fjalla. Sá sem er uppi á þaki fari ekki ofan að sækja neitt í hús sitt. Og sá sem er á akri skal ekki hverfa aftur að taka yfirhöfn sína. Vei þeim sem þungaðar eru eða börn hafa á brjósti á þeim dögum. Biðjið að flótti yðar verði ekki um vetur eða á hvíldardegi. Þá verður sú mikla þrenging sem engin hefur þvílík verið frá upphafi heims allt til þessa og verður aldrei framar.

²²Ef dagar þessir hefðu ekki verið styttir kæmist enginn maður af. En vegna hinna útvöldu verða þeir dagar styttir.

 (Þarna er Jesús að tala um eyðingu Jerúsalem, sem gerðist um árið 70 eftir dauða hans, svo miklar hörmungar urðu þá að fólk át sín eigin afkvæmi í hungur örvæntingu.)

Ef einhver segir þá við yður: Hér er Kristur, eða: Þar, þá trúið því ekki. Því að fram munu koma fals kristar og falsspámenn og þeir munu gera stór tákn og undur svo að þeir gætu leitt hin útvöldu afvega ef það er unnt.  

Athugið að ég hef sagt yður það fyrir.
²⁶Ef menn segja við yður: Hann er í óbyggðum, þá farið ekki þangað. Ef þeir segja: Hann er í leynum, þá trúið því ekki. ²⁷Mannssonurinn kemur eins og elding sem leiftrar frá austri til vesturs.
²⁸Þar munu ernirnir safnast sem hræið er. ²⁹En þegar eftir þrengingu þessara daga mun sólin sortna og tunglið hætta að skína. Stjörnurnar munu hrapa af himni og festingin mun riðlast. Þá mun tákn Mannssonarins birtast á himni og allar kynkvíslir jarðar hefja kveinstafi. Og menn munu sjá Mannssoninn koma á skýjum himins með mætti og mikilli dýrð. Hann mun senda út engla sína með hvellum lúðri og þeir munu safna hans útvöldu úr áttunum fjórum, himinskauta milli.    Nemið líkingu af fíkjutrénu. Þegar greinar þess fara að mýkjast og laufið að springa út, þá vitið þér að sumar er í nánd.  Eins skuluð þér vita, þegar þér sjáið allt þetta, að hann er í nánd, fyrir dyrum.  Sannlega segi ég yður: Þessi kynslóð mun ekki líða undir lok uns allt þetta er komið fram. Himinn og jörð munu líða undir lok en orð mín munu aldrei undir lok líða.Vakið því

En þann dag og stund veit enginn, hvorki englar á himnum né sonurinn,  enginn nema faðirinn einn. Eins og var á dögum Nóa, svo mun verða við komu Mannssonarins. Dagana fyrir flóðið átu menn og drukku, kvæntust og giftust allt til þess dags er Nói gekk í örkina. Og þeir vissu ekki fyrr en flóðið kom og hreif þá alla burt. Eins verður við komu Mannssonarins. Þá verða tveir á akri, annar mun tekinn, hinn eftir skilinn. Tvær munu mala á kvörn, önnur verður tekin, hin eftir skilin. Vakið því, þér vitið eigi hvaða dag Drottinn yðar kemur. Það skiljið þér að húsráðandi vekti og léti ekki brjótast inn í hús sitt ef hann vissi á hvaða stundu nætur þjófurinn kæmi. Verið þér og viðbúin því að Mannssonurinn kemur á þeirri stundu sem þér ætlið eigi.
⁴⁵Hver er sá trúi og hyggni þjónn sem húsbóndinn hefur sett yfir hjú sín að gefa þeim mat á réttum tíma? Sæll er sá þjónn er húsbóndinn finnur breyta svo er hann kemur. ⁴⁷Sannlega segi ég yður: Hann mun setja hann yfir allar eigur sínar. En ef illur þjónn segir í hjarta sínu: Húsbónda mínum dvelst og hann tekur að berja samþjóna sína og eta og drekka með svöllurum þá mun húsbóndi þess þjóns koma á þeim degi sem hann væntir ekki, á þeirri stundu sem hann veit ekki, höggva hann og láta hann fá hlut með hræsnurum. Þar verður grátur og gnístran tanna.“

 Það hefur löngum verið dvalið við textann um að einn verði eftir en annar burtu tekinn. Heil kvikmynd byggð á þessum versum. Þau hafa verið tekin úr samhengi eins og oft vill verða og látið líta út sem að Jesú komi "leynilega " að tína upp fólkið. En ef lesinn er allur textinn má sjá að Kristur verður ÖLLUM sjáanlegur og þeir sem treysta á hann, munu fagna komu hans, hinir sem hafa hafnað honum munu kveina, og gleymið ekki að þeir sem drápu hann og  ofsóttu án þess að iðrast, hafa í þessari upprisu ástæðu til að biðja fjöllin að hrinja yfir sig. Þeir hafa kveðið upp sinn eigin dóm. Meiningin um að einn verði tekinn , annar skilinn eftir er  einfaldlega sá að hlið við hlið er oft fólk sem ýmist er hart í hjarta og mundi aldrei taka við Kristi inn í líf sitt, aðrir eru hreinir í hjarta, jafnvel þó þeir hafi aldrei fengið tækifæri til að læra um Jesú. Svo aðeins Guð dæmir og hann les hjörtu mannanna. Þeir sem hafa tækifæri til að þekkja sannleikann en þrjóskast samt við, vita ekki hvenær það er of seint að fá "olíu á lampann". Fyrra Korintubref 15.Afleiðing upprisu Krists¹Ef við nú prédikum að Kristur sé upprisinn frá dauðum, hvernig geta þá nokkur ykkar sagt að dauðir rísi ekki upp? Ef ekki er til upprisa dauðra, þá er Kristur ekki heldur upprisinn , en ef Kristur er ekki upprisinn, þá er ónýt prédikun okkar, ónýt líka trú ykkar. reynumst þá vera ljúgvottar um Guð þar eð við höfum vitnað um Guð að hann hafi uppvakið Krist, sem hann hefur ekki uppvakið, svo framarlega sem dauðir rísa ekki upp. Ef dauðir rísa ekki upp er Kristur ekki heldur upprisinn en ef Kristur er ekki upprisinn er trú ykkar fánýt. Syndir ykkar eru þá ekki enn í burtu teknar. Þá eru einnig þau glötuð sem sofnuðu í trú á Krist. Ef von okkar til Krists nær aðeins til þessa lífs, þá erum við aumkunarverðust allra manna.
En nú er Kristur upprisinn frá dauðum, frumgróði þeirra sem sofnuð eru. Eins og dauðinn kom með manni, þannig kemur upprisa dauðra með manni. Eins og allir deyja vegna sambands síns við Adam, svo munu allir lífgaðir verða vegna sambands síns við Krist.Hvernig rísa dauðir upp?   En nú kynni einhver að spyrja: „Hvernig rísa dauðir upp? Hvaða líkama hafa þeir þegar þeir koma?“ Heimskulega spurt! Það sem þú sáir lifnar ekki aftur nema það deyi. Og er þú sáir þá er það ekki sú jurt er vex upp síðar sem þú sáir, heldur bert frækornið, hvort sem það nú heldur er hveitikorn eða annað fræ. En Guð gefur því líkama eftir vild sinni og hverri sæðistegund sinn líkama. Ekki eru allir líkamar eins heldur hafa mennirnir sinn, kvikféð annan, fuglarnir sinn og fiskarnir annan. Til eru himneskir líkamir og jarðneskir líkamir. En vegsemd hinna himnesku er eitt og hinna jarðnesku annað. Eitt er ljómi sólarinnar, annað ljómi tunglsins og enn annað ljómi stjarnanna því að stjarna ber af stjörnu í ljóma.
Þannig er og um upprisu dauðra. Sáð er forgengilegu en upp rís óforgengilegt 

Sjá, ég segi ykkur leyndardóm: Við munum ekki öll deyja en öll

munum við umbreytast, í einni svipan, á einu augabragði, við hinn síðasta lúður. Því lúðurinn mun gjalla og þá munu dauðir upp rísa óforgengilegir og við munum umbreytast. Forgengilegir og dauðlegir líkamir okkar eiga að breytast í óforgengilega líkami sem dauðinn nær ekki til.
En þegar það gerist og hið forgengilega breytist og verður

ódauðlegt, þá rætist það sem ritað er: Dauðinn er uppsvelgdur í sigur. Dauði, hvar er sigur þinn? Dauði, hvar er broddur þinn?
En syndin er broddur dauðans og lögmálið afl syndarinnar. Guði séu þakkir, sem gefur oss sigurinn fyrir Drottin vorn Jesú Krist! Þess vegna, mín elskuðu systkin, verið staðföst, óbifanleg, síauðug í verki Drottins. Þið vitið að Drottinn lætur erfiði ykkar ekki verða til ónýtis.

 Ég tók út númerin á versunum að mestu til að spara pláss en vona að þið sem lesið, lesið með bæn um leiðsögn Heilags Anda.  Opinberunarb. 20 kafli. Árin þúsund 

Og ég sá engil stíga niður af himni. Hann hélt á lykli undirdjúpsins

 og stórum fjötri í hendi sér. Og hann tók drekann, þann gamla

höggorm, sem er djöfull og Satan, og batt hann um þúsund ár.

Hann kastaði honum í undirdjúpið, læsti því og setti innsigli yfir svo

að hann leiddi ekki framar þjóðirnar afvega uns þúsund ár væru

liðin. Eftir það á hann að vera leystur um stuttan tíma.

Og ég sá hásæti og menn settust í þau og þeim sem þar sátu var

gefið vald til að dæma. Ég sá sálir þeirra sem höfðu verið hálshöggnir af því að þeir höfðu vitnað um Jesú og flutt orð Guðs. Það voru þeir sem höfðu hvorki tilbeðið dýrið né líkneski þess og ekki fengið merki á enni sér og hönd. Og þeir lifnuðu og ríktu með Kristi um þúsund ár. Aðrir dauðir lifnuðu ekki fyrr en þúsund árin voru liðin. Þetta er fyrri upprisan.

 Sælir og heilagir eru þeir sem eiga hlut í fyrri upprisunni. Yfir þeim hefur hinn annar dauði ekki vald heldur munu þeir vera prestar Guðs og Krists og ríkja með honum um þúsund ár. Vel að merkja , ekki hér á jörðu heldur á himnum, Þeir sem eiga hlut í fyrri upprisunni fá tækifæri til að leita svara við öllum þeim aragrúa spurninga um hversvegna Guð leifði illskunni að rikja svo lengi á jörðu. Hversvegna allt fór eins og það fór. Hversvegna þessi eða hinn er ekki þarna hjá Guði.Verum minnug þess að Guð lét okkur eftir þekkingu og Orð sitt,  okkur til sáluhjálpar, en um leið þá ábyrgð að setja ekki þetta ljós undir mæliker. Við erum á óvinasvæði og jafnvel enn verra svæði en þeir trúboðar sem forðum voru étnir af frumstæðum ættbálkum í dimmum skógum.

Í dag eru óargadýrin oftar en ekki hulin bak við glys og ímynd gæsku og fegurðar.  Ekki fyrirsjáanleg,  ekki fráhrindandi,  en því hættulegri og afkastameiri. 

Fyrra Pétursbréf 5. kafli.

Verið algáð, vakið. Óvinur ykkar, djöfullinn, gengur um sem öskrandi ljón, leitandi að þeim sem hann getur tortímt.Standið gegn honum stöðug í trúnni og vitið að bræður ykkar og systur um allan heim verða fyrir sömu þjáningum. En er þið hafið þjáðst um lítinn tíma mun Guð, sem veitir alla náð og hefur í Kristi kallað ykkur til sinnar eilífu dýrðar, sjálfur fullkomna ykkur, styrkja og gera ykkur öflug. Hans er mátturinn um aldir alda. Amen.

Um Evrópusameiningu og Daníelsbók

 

Undarlegir tímar ganga nú yfir þjóð vora og erfitt að spá um hvernig fara muni eftir kosningar. Eitt er víst, enginn þeirra sem við stjórntaumunum tekur hefur neina töfralausn né veit fyrir víst hvernig á að stöðva hratt þá  óheillaþróun sem þegar er að hitta fyrir mörg heimili og valda kvíða og þunglyndi, jafnvel uppgjöf margra, ekki síst þeirra yngri sem ekki hafa reynt neitt þessu líkt. Hafa enga "æfingu" í að vanta og skorta jafnvel nauðsynjar.

Allir flokkar hafa tvo skoðanahópa þegar kemur að því hvort ganga skuli strax í Evrópusambandið og taka upp Evruna, helst ekki seinna en strax, ef þau mættu ráða.

Auðvitað veit hver heilvita maður að Evran leysir ekki efnahagsvandann sem við höfum komið okkur að mestu hjálparlaust í. Það er nokkuð sama hvað gjaldmiðillinn heitir þegar fólk veit ekki hvernig á að fara með hann. Við höfum ekki lært að spara og safna fyrir því sem okkur vanhagar um hér á landi. Ráðdeildarsemi  er ekki kennd í skólum að neinu marki. Bankakerfið hefur kennt okkur að skulda fremur enn spara oft á tíðum. Ekki eru mörg ár síðan það borgaði sig að skulda, því verðbólgan "borgaði" lánin en át líka upp sparnaðinn og öryggi þeirra sem reyndu að eiga til elliáranna. Í dag sjáum við marga, sem ætluðu að spara og vera ráðdeildarsamir, eiga til síðustu ára, hafandi drauma um að geta loksins leyft sér að ferðast og hvílast, nú sjáum við þetta sama fólk horfandi fram til magurra elliára á strípuðum ellilífeyri. Kannski hinir svokölluðu útrásarvíkingar vildu bjóða þessu fólki frí afnot að fínu húsunum sínum í frönsku Ölpunum?  Já eða bara bjóða fötluðum afnot af aðstöðunni í stóru sumarhúsunum sínum, hluta af íslensku sumri, eru þau ekki sum bara nokkuð hjólastólavæn?

Nei annars, ég er víst komin á flug og sumum kann að finnast þetta ekkert mjög sniðugt.

En talandi um Evrópu og sameiningu evrópskra ríka. Í Daníelsbók í gamla testamentinu getur að líta merkilegan spádóm, sem á líka erindi til okkar tíma, mjög svo.

Daníel var ásamt öðrum gáfumönnum á valdi Babíloníukonungs Nebúkadnesars. En Daníel hafði unnið sig í mikið álit hjá konungi vegna gáfna sinna og hreins lífernis, heiðarleika og trúar, sem ekkert fékk haggað. Konung hafði dreymt draum sem enginn af spámönnum né særingarmönnum við hirðina gat ráðið né vitað hvað snerist um. Daníel bað til Guðs um að fá skýringu á draumi konungs og kom svo fram fyrir hann og sagði honum drauminn og þýðingu hans. Lesa má um þetta í öðrum kafla Daníelsbókar. Versi 26 til 45.

²⁶Konungur svaraði og sagði við Daníel, sem kallaður var Beltsasar: Getur þú sagt mér drauminn, sem mig dreymdi, og þýðing hans?
²⁷Daníel svaraði konungi og sagði: Leyndardóm þann, sem konungurinn spyr um, geta hvorki vitringar, særingamenn, spásagnamenn né stjörnuspekingar sagt konunginum.
²⁸En sá Guð er á himnum, sem opinberar leynda hluti, og hann hefir kunngjört Nebúkadnesar konungi það, er verða mun á hinum síðustu dögum. Draumur þinn og vitranir þær, er fyrir þig bar í rekkju þinni, voru þessar:
²⁹Þá er þú hvíldir í rekkju þinni, konungur, stigu upp hugsanir hjá þér um, hvað verða mundi eftir þetta, og hann, sem opinberar leynda hluti, hefir kunngjört þér, hvað verða muni.
³⁰En hvað mig snertir, þá er það ekki fyrir nokkurrar visku sakir, sem ég hafi til að bera umfram alla menn aðra, þá er nú eru uppi, að þessi leyndardómur er mér opinber orðinn, heldur til þess að þýðingin yrði kunngjörð konunginum og þú fengir að vita hugsanir hjarta þíns.
³¹Þú horfðir fram fyrir þig, konungur, og stóð þar líkneski mikið. Líkneski þetta var stórt og yfirtaks-ljómandi. Það stóð frammi fyrir þér og var ógurlegt ásýndum.
³²Höfuð líkneskis þessa var af skíru gulli, brjóstið og armleggirnir af silfri, kviðurinn og lendarnar af eiri,
³³leggirnir af járni, fæturnir sums kostar af járni, sums kostar af leir.
³⁴Þú horfðir á það, þar til er steinn nokkur losnaði, án þess að nokkur mannshönd kæmi við hann. Hann lenti á fótum líkneskisins, sem voru af járni og leir, og molaði þá.
³⁵Þá muldist sundur í sama bili járnið, leirinn, eirinn, silfrið og gullið, og varð eins og sáðir á sumarláfa, vindurinn feykti því burt, svo að þess sá engan stað. En steinninn, sem lenti á líkneskinu, varð að stóru fjalli og tók yfir alla jörðina.
³⁶Þetta er draumurinn, og nú viljum vér segja konunginum þýðing hans.
³⁷Þú, konungur, yfirkonungur konunganna, sem Guð himnanna hefir gefið ríkið, valdið, máttinn og tignina,
³⁸þú, sem hann hefir mennina á vald selt, hvar svo sem þeir búa, dýr merkurinnar og fugla himinsins, og sett þig drottnara yfir því öllu, þú ert gullhöfuðið.
³⁹En eftir þig mun hefjast annað konungsríki, minni háttar en þitt er, (þetta ríki var ríki Meda og Persa, sem ríktu í um 200 ár)   og því næst hið þriðja ríki af eiri, sem drottna mun yfir allri veröldu. ( þetta var Alexander hinn gríski og mikli en  eirinn er tákn Grikklands)
⁴⁰Þá mun hefjast fjórða ríkið, sterkt sem járn, því að járnið sundurbrýtur og mölvar allt, og eins og járnið molar sundur, eins mun það sundurbrjóta og mola öll hin ríkin.

( Róm sigraði árið 190 f. Kr. Hinn sýrlenska hluta hins fyrrum volduga gríska heimsveldis, makedoníska hlutann árið 168 f.Kr. og Egiftaland viðurkenndi vald járnríkisins Rómar sama ár. Róm var sameinuð í byrjun og var þá lýðveldi. Síðan varð hún heimsveldi. Rómverska heimsveldið skiptist eins og táknað var með blöndu leirs og járns, vegna árása germanskra þjóðflokka að norðan og austan á fjórðu öld. Róm , járnveldið varð skipt um eilífð. Mikið hefur verið reynt til þess að bræða saman þjóðir Evrópu, einingar Rómaveldis, í eina samfellda heild með kvonföngum, en án árangurs. Karl mikli og Napelon reyndu með hervaldi að að mynda sameinað ríki, en tókst ekki. ‘I spádóminum var frá því greint að þessar einingar mundu ekki sameinast, rétt eins og járnið samlagar sig ekki við leirinn.)
⁴¹En þar er þú sást fæturna og tærnar, að sumt var af pottaraleir, sumt af járni, það merkir að ríkið mun verða skipt. Þó mun það nokkru í sér halda af hörku járnsins, þar sem þú sást járnið blandað saman við deigulmóinn.
⁴²En þar er tærnar á fótunum voru sums kostar af járni og sums kostar af leir, þá mun það ríki að nokkru leyti verða öflugt og að nokkru leyti veikt.
⁴³Og þar er þú sást járnið blandað saman við deigulmóinn, þá munu þeir með kvonföngum saman blandast, og þó ekki samþýðast hvorir öðrum, eins og járnið samlagar sig ekki við leirinn.
⁴⁴En á dögum þessara konunga mun Guð himnanna hefja ríki, sem aldrei skal á grunn ganga, og það ríki skal engri annarri þjóð í hendur fengið verða. Það mun knosa og að engu gjöra öll þessi ríki, en sjálft mun það standa að eilífu,
⁴⁵þar sem þú sást að steinn nokkur losnaði úr fjallinu, án þess að nokkur mannshönd kæmi við hann, og mölvaði járnið, eirinn, leirinn, silfrið og gullið. Mikill Guð hefir kunngjört konunginum hvað hér eftir muni verða. Draumurinn er sannur og þýðing hans áreiðanleg.

Á dögum hins skipta Rómaveldis mun Guð himnanna setja á stofn ríki sitt, sem aldrei mun undir lok líða og aldrei vera gefið nokkurri annarri þjóð en hans eigin og hún mun byggja það um eilífð        Og draumurinn er öruggur og þýðing hans sönn. (Prophets and Kings bls 495)Tilvitnun lýkur:

Já sumum ykkar kann að þykja þetta langsótt efni en ég hef ekki getað hætt að hugsa um þetta samhengi í ljósi undanfarinna atburða og umræðu. Við höfum mannkynssöguna, við sjáum hve illa hefur gengið að komast að samkomulagi um stjórnir ríkja, hvað þá að setja þau öll undir einn hatt. Hve margir hafa ekki reynt það með mjög misjöfnum hætti og lélegum árangri. Það er mjög áhugavert og umhugsunarvert að lesa Ritninguna í ljósi nútímaatburða.  Daníelsbók er ekki versta lesefni sem hægt er að rannsaka

Ég hvet ykkur til að skoða þetta nánar og hugsa um hversvegna var þetta birt fyrir svo löngu?. Hverjum átti það að þjóna? Vildi Guð að við gerðum okkur grein fyrir að þessi heimur, sem við höfum farið svo illa með, mundi ekki standa um aldur og ævi. Að eitthvað mundi gerast. Að einhver okkur miklu æðri tæki í taumana að lokum? Umhugsunarefni er það ekki?

Halló aftur bloggvinir.

Kæru bloggvinir. Ég hef ekki staðið mig í að skrifa nú um hríð. Tölvan mín neitaði að tengjast þráðlausa netinu og sú elsta (tölvan) fór í strauingu. Nú fer að vænkast og ég fer að setja inn aftur hugleiðingar, gamlar eða nýjar. Brátt munum við minnast fórnar Jesú Krists, sem svo margir vilja ekki trúa að hafi neina þýðingu fyrir okkur lengur. En Biblían sagði einmitt frá því að svo mundi verða á síðari tímum jarðsögunnar. Jesú sjálfur sagði "mun mannssonurinn finna trúan þegar hann kemur aftur til jarðar"? Hann sá fyrir þessa tíma sem nú eru. Ég hlakka til að setja inn efni um þessi mál og önnur og vona að ykkur farnist öllum vel. Lifið í Guðs friði.

Hugleiðing um trú og siði, nýöld og spádóma

15.5.2008  Efnið er tekið að nokkru leiti upp úr tímaritinu Amazing Facts.

Staðreyndir. Mannfjöldinn í Kína er 1,3 milljarðar á dag en það er sá fjöldi sem bjó í öllum heiminum fyrir 150 árum. Ríkið með fæsta íbúa er hinsvegar Vatikanið í Róm. árið 1929 undir yfirstjórn The Lateran Treaty, var Vatikanborg stofnsett sem sjálfstætt ríki með 109 ekrur af landi innan borgarmarka Rómar. færri enn 1000 íbúar búa í þessari borg sem stjórnað er af ´páfanum, sem hefur algjör lagaleg, trúarleg og réttarfarsleg yfirráð. Enn fremur hefur The Holy See eigin gjaldmiðil og póstkerfi. Þeir gefa út dagblað, ráða yfir eigin símkerfi og netþjónustu, og stjórna einnig eigin járnbrautarkerfi þó smátt sé í sniðum. Hinn frægi svissneski vörður þjónar líka sem lögregla, og viðheldur öryggiseftirliti innan ríkisins og stendur vörð um páfann. Þó svo þetta ríki sé ekki stórt þá óttast jafnvel Kína þetta "litla land"

Þegar Benidikt páfi heimsótti USA var það sannarlega sögulegur viðburður. Hann fékk meiri viðhafnarmóttökur enn nokkur erlendur gestur hingað til eða mundi nokkurn tíma fá. Aldrei áður hefur Bush forseti farið til að taka sjálfur á móti nokkrum háttsettum tignaraðila á flugvöllinn. þetta undirstrikar hin miklu alþjóðlegu áhrif Kaþólsku kirkjunnar. Þið kunnið að hugsa sem svo "er nú ekki nóg búið að tala um páfann"? Svarið er að heimsókn páfans var ekki bara sögulegur atburður, það var líka mjög mikilvægur áfangi í spádómum Biblíunnar. Þegar tvö öflugustu stjórnveldi heims, tengd spádómum endalokanna, koma saman þá ættu Biblíulega trúaðir kristnir að gefa því alvarlegan gaum. Í árhunndruð hafa mótmælenda-krisntir trúað því að fyrsta dýrið í Opinberunarbókinni 13 sé páfavaldið. Enn fremur, trúa margir mótmælendur því að annað dýrið í Opinberunarbókinni 13:11 tákni Bandaríki Norður Ameríku.Ekki taka þetta sem svo að verið sé að ráðast á eða dæma kaþólska trúaða sem slíka. Milljónir góðra, einlægra og guðhræddra kaþólikka eru einfaldlega óafvitandi um hina óbiblíulegu kenningar bornar fram af kirkju þeirra. En okkur væri hollt að muna trú hinna miklu endurreisnar og siðbótarmanna, svs sem Lúter, Zwingli, Tyndale, Buniyan, Wesley, Whitfield, Edwards, Spurgeon og aðra merkilega kennimenn. Þeir trúðu því allir að Rómversk kaþólska kirkjan væri antikristur biblíuspádómanna.

Áður en Benedikt páfi kom til Ameríku, tilkynnti hann að heimsókn hans til Bandaríkjanna mundi verða "trúboða reynsla" Með öðrum orðum, hann villhafa áhrif á borgarana til að samþykkja og fagna trúarskoðunum sínum. En kaþólsk guðfræði truflar bókstafs kristna og veldur vanda. Til dæmis trúir Páfinn því að hann sé óskeikull og fulltrúi Guðs á jörðu og við sáum að hann er bókstaflega dýrkaður sem slíkur. Blaðamaður einn spurði Bush forseta hvað hann sæi er hann liti í augu Páfa,Hið furðulega svar forseta Bandaríkjanna var án þess að hika,"Guð"

(Hvað er að gerast hér?) Kaþólska kirkjan kennir einnig að við eigum að biðja til Maríu, að prestar hafi vald til að fyrirgefa syndir, tilbeiðsla eða dýrkun á líkneskjum sé ásættanleg, ásamt öðrum heiðnum áhrifum og kenningum. Ennfremur má benda á að í Washington DC og New York fylltu tugþúsundir leikvanginn þar sem páfi kom fram til að sjá hann framkæma messu. Páfinn trúir ákenninguna um algera umbreytingu, hann trúir að hann hafi vald og mátt til að breyta brauði og víni í raunverulegan líkama og blóð Jesú. Á vissan hátt þýðir það að hann trúir að hann geti "skapað" Guð.

Orðið sem er notað um umbreytingu (trans ubstanti ation) er þýtt sem eðlisbreyting, gjörbreyting, breyting brauðs og víns í líkama og blóð Krists en útlitið helst óbreytt. Þar höfum við það beint úr stóru orða-bókinni. Áherslan á þessa óbiblíulegu kenningu verður enn frekar áhyggjuefni þegar 250 mótmælendur, orþodox og evangeliskir leiðtogar, þar með talin Pat Robertson,sækja almenna bænasamkomu þann 18. apríl sl. leidd af páfa í kaþólskri kirkju. Sami dagur markaði einnig þau tímamót að páfi kom inni Synagógu, samkomuhús gyðinga í fyrsta sinn, þar sem hann hitti gyðinga rabbínann Arthur Schneier daginn fyrir páska. Það sem er kanski enn furðulegra er að rabbíninn ávarpaði páfann sem "hans heilagleika" og vitnaði því næst í Sálm 133:1Sjá, hversu fagurt og yndislegt það er, þegar bræður búa saman,´(í ensku þýðingunni er talað um bræður sem búa saman í einingu) Þið kunnið að undrast hversvegna ég er í slíku uppnámi yfir atburði sem þessum.         Eins og ég les mína biblíu, segir að það muni verða bandalag, (ríkjasamband) milli kaþólisma og ríkjndi trúarbragða Norður Ameríku sem muni endanlega koma á merki dýrsins. Auðvitað eru leiðtogar Kaþólsku kirkjunnar vel meðvitaðir um vaxandi spennu milli róttækra íslama og gyðinglegra og kristinna þjóða. Og einn tilgangurinn með þessari heimsókn páfans var að bjóða sjálfan sig fram sem andlegan leiðtoga þar sem hinar brotnu eða sundruðu kirkjur gætu fylkt sér um. Það er að gerast vinir, hér beint fyrir framan nefin á okkur. Smátt og smátt. Hreint út sagt er mér ráðgáta hvernig Ameríka, þjóð mótmælendatrúar, gæti sett slíkan heiður á leiðtoga stofnunar sem hefur úthellt bóði svo margra gyðinga og kristina. Höfum við gleymt að Norður Ameríka var numin og byggð upp að mestu af pílagrímum sem flúðu trúarofsóknir í Evrópu? Satt að 2segja , þegar minnismerki Washington var reist um 1850, sendi Píus páfi að gjöf stóran marmara stein. Hneikslaðir mótmælenda-trúaðir vildu ekkert með arf frá Róm að gera og tóku steininn og hentu honum í Potomak ánna. En það er jafnvel enn meiri vísbending um það að hlutirnir eru að breytast. Einu sinni voru allir meðlimir hæstaréttarAmeríku, mótmælendatrúar. Í dag er aðeins einn af þeim og meirihlutinn er nú yfirlýstir kaþólikkar.Ég gæti ekki tjáð mig betur um áhyggjur mínar en höfundur Deilunnar miklu.bls. 563-565. "Rómversk áhrif eru nú litin miklu mildari augum en áður fyrr. Sú var tíðinn að mótmælendur virtu það meira en annað að hafa samviskufrelsi það sem hafði verið svo dýru verði keypt. Þeir kenndu börnum sínum að það að leita eftir samhyggð við Róm væri óhlýðni við Guð. En hve allt hefur breyst nú. mótmælendakirkjur eru í miklu myrkri annars mundu þær koma auga á tákn tímanna. Rómverska kirkjan hefur komist langt í fyrirætlunum sínum, hún er að nýta hvert verkfæri og tækifæri til að breiða út áhrif sín og efla vald sitt í undirbúningi fyrir grimm og fyrirhuguð átök til að ná völdum í heiminum."         Þetta sagði höfundur Deilunnar miklu fyrir um hundrað árum. þið hljótið að viðurkenna að þegar alsherjarþing Sameinuðu þjóðanna kemur saman til að vera ávarpað af leiðtoga kaþólsku kirkjunnar, hlýtur það að sýna augljós hnatræn áhrif frá þessari kirkju. Eða mundu þessir leiðtogar koma annars svona saman til að hlusta á einhvern annan prest? Ég held líka að tímasetning heimsóknar páfans sé leynileg ráðagerð, sérstaklega fylgjandi nýrri bylgju Nýaldar trúar upphafinni af sjónvarpsstjörnunni Oprah Winfrey. Hin áhrifaríka vellauðuga kona fullyrðir "eitt af þeim mistökum sem fólk gerir er að trúa því að það sé aðeins ein leið til frelsunar " og en fremur "að Jesús getur ekki verið eina leiðin, eini vegurinn" Og nú er hún að setja öll sín fjölmiðlaáhrif og kraft í að auglýsa bækur og kennara sem halda fram þessum hættulega spíritisma. Enn verður mér hugsað til Deilunnar miklu, þar segir."Mótmælendur í Bandaríkjunum munu verða fremstir í flokki við að rétta hendur sínar yfir hafið til að grípa í hönd spíritismans. Þeir munu rétta hönd yfir djúpið til að takast í hendur við rómverska valdið og undir áhrifum þessa þrefalda sameiningarafls, mun land þetta  (Ameríka) fylgja í fótspor Rómar og niðurtroða frelsinu til eigin samvisku. (síða 588) Og að lokum, eins og þetta væri nú ekki nægilegt til að brjóta heilann um, kom enn eitt mikilvægt atriði til sögunnar í heimsókn páfa og ætti skilið sérstaka athygli okkar. þann 16. apríl, á afmælisdegi páfans,hitti hann hinn ameríska biskup kaþólikka í Basilikunni í þjóðar helgidómi hinns flekklausa getnaðar í höfuðborginni. Þar ávarpaði Kardinálinn, Francis George, páfann fyrir hönd bandarískra leiðtoga kaþólikka, þar sem hann útlistaði forgangsverkefni sem athygli þyrfti að vekja á næstu árum. Meðal þessara atriða var, " handing on the faith in the context of sacramental practice and the observance of Sunday worship" Í lauslegri þýðingu, innleiða trúna á merkingu sakramentis iðkunar og að virða sunnudaga helgihald. Það líður ekki á löngu þar til þeir þrýsta á að þetta verði staðfest með lögum. Með spádómana að rætast fyrir augum okkar, eru fáeinar en dýrmætar raddir að hljóma frá ræðustólum mótmæl-enda. Þið megið vera viss um að Amazing Facts *er helgað því hlutverki að lyfta lúðri aðvarana gegn yfirvofandi hættum á vinfengi við trúníðslu kirkjuna í Róm. Spámaður spurði eitt sinn Jósafat konung eins og segir í annari Krónikubók, 19.2." Þá gekk Jehú sjáandi Hananíson fyrir hann og mælti til Jósafats konungs: ,,Hjálpar þú hinum óguðlegu og elskar þú þá, er hata Drottin? Sakir þessa liggur á þér reiði Drottins. Á sama hátt trúi ég að það sé leynileg ráðagerð og kanski jafnvel guðleg forsjón, að á sama tíma og páfinn var að undirbúa og stjórna "leiðangri sínum til Ameríku" var ég ( Doug Batchelor hjá Amzing Facts)  í stúdíói að taka up einn mikilvægasta hlutann af  DVD myndefni um deiluna miklu, þann sem heitir "stríðið milli Krists og Satans"      Ég trúi því að þið séuð mörg sammála mér að þessi boðskapur þurfi að ná til fólks nú fremur en nokkru sinni fyrr. Í dag, þegar stjórnmálaleg nákvæmni brenglar oft biblíulegum sannleika, heldur Amazing Facts *djarflega áfram að birta óbreytnalegan sannleika frá orði Guðs. Auk þess að kalla sálir til að taka á móti fagnaðarerindi Jesú, þá er okkur einnig boðið að taka til okkar hinn spádómlega viðvörunar-boðskap um að dýrka ekki dýrið eða fá á okkur merki þess. (opinb. 14. 9-11) Á eftir þeim kom hinn þriðji engill og sagði hárri röddu: ,,Ef einhver tilbiður dýrið og líkneski þess og fær merki á enni sitt eða hönd sína,þá skal sá hinn sami drekka af reiði-víni Guðs, sem byrlað er óblandað í reiðibikar hans, og hann mun kvalinn verða í eldi og brennisteini í augsýn heilagra engla og í augsýn lambsins. Og reykurinn frá kvalastað þeirra stígur upp um aldir alda, og eigi hafa þeir hvíld dag eða nótt, þeir sem dýrið tilbiðja og líkneski þess, hver sá sem ber merki nafns þess.``

*Sjá amzingfacts.com

 

 

 

HUGLEIÐING nóvember 2007

Hvað sjáum við, hvað horfum við á?

Hvaða áhrif hefur það sem við horfum á, á okkur, hugsun okkar og persónulega mótun.?.

Er allt í lagi að horfa á hvað sem er, er hægt að hreinsa það út úr hugskotinu eins og manni sýnist, ef manni hugnast það ekki eftir á?

Við vitum að svo er ekki. Ekki í raun og veru. Við þekkjum ótal sorgleg , nýleg dæmi um afleiðingar þess að horfa mikið á ljótt, skemmandi efni, eða tölvuleiki á netinu. Ofbeldi, ofbeldi og aftur ofbeldi. Hvernig dettur nokkrum manni í hug að fullyrða að þesskonar efni hafi svo hverfandi lítil áhrif á neytendur þess að þær fáu undantekningar sem láta leiðast út í ógæfuverk hafi hvort sem er getað gert það sem þeir gerðu án þess að hafa horft á eða leikið ofbeldisleiki. Hvílík afneitun og hvílík vörn í þágu græðginnar.

Er allt í lagi að horfa, bara smá stund? Er fegurð alltaf augljós og hið vonda líka? Ég horfði hugfangin á stóran stein í glugga um daginn. Hann var bara svona eins og gráir eða brúnir steinar að utan, grófur og lítið augnayndi , en að innan, það var sko fagur á að líta. Ametist kristallar út um allt í þéttum klasa, eitt af náttúru sköpunarverkum Guðs okkur til augnanyndis. Guð hefur skapað óteljandi fagra steina sem glitra og endurvarpa birtu á undurfagran hátt.

Því miður er svo komið að margir hafa fest trú á hið skapaða og telja mátt og kraft fólginn í því en hafa gleymt eða hreinlega hafnað skapara sínum. Ég tel að þig kannist flest ef ekki öll við þetta.

Mattheusarguðspjall 5

29Ef hægra auga þitt tælir þig til falls þá ríf það úr og kasta frá þér. Betra er þér að einn lima þinna glatist en öllum líkama þínum verði kastað í helvíti. 30Ef hægri hönd þín tælir þig til falls þá sníð hana af og kasta frá þér. Betra er þér að einn lima þinna glatist en allur líkami þinn fari til helvítis.

Hjarta yðar skelfist ekki. Trúið á Guð og trúið á mig.
2. Í húsi föður míns eru margar vistarverur. Væri ekki svo, hefði ég þá sagt yður, að ég færi burt að búa yður stað?
3. Þegar ég er farinn burt og hef búið yður stað, kem ég aftur og tek yður til mín, svo að þér séuð einnig þar sem ég er.

Þegar við fáum að sjá þennan stað höfum við aldrei séð neitt því líkt af dýrð og ljóma. Þar eru óteljandi dýrðlegir steinar sem prýða hin himnesku heimkynni. Síðar þegar Guð hefur skapað nýjan himinn og nýja jörð verða þessir fögru steinar sjáanlegir öllum til ánægju, því græðgin verður ekki lengur til í manninum, hún hefur eins og annað horfið burt með útrýmingu syndarinnar og hins illa höfundar.

4. Veginn þangað, sem ég fer, þekkið þér.
5. Tómas segir við hann: Herra, vér vitum ekki, hvert þú ferð, hvernig getum vér þá þekkt veginn?
6. Jesús segir við hann: Ég er vegurinn, sannleikurinn og lífið. Enginn kemur til föðurins, nema fyrir mig.
7. Ef þér hafið þekkt mig, munuð þér og þekkja föður minn. Héðan af þekkið þér hann og hafið séð hann.
8. Filippus segir við hann: Herra, sýn þú oss föðurinn. Það nægir oss.
9. Jesús svaraði: Ég hef verið með yður allan þennan tíma, og þú þekkir mig ekki, Filippus? Sá sem hefur séð mig, hefur séð föðurinn. Hvernig segir þú þá: Sýn þú oss föðurinn?
10. Trúir þú ekki, að ég er í föðurnum og faðirinn í mér? Orðin, sem ég segi við yður, tala ég ekki af sjálfum mér. Faðirinn, sem í mér er, vinnur sín verk.
11. Trúið mér, að ég er í föðurnum og faðirinn í mér. Ef þér gerið það ekki, trúið þá vegna sjálfra verkanna.
12. Sannlega, sannlega segi ég yður: Sá sem trúir á mig, mun einnig gjöra þau verk, sem ég gjöri. Og hann mun gjöra meiri verk en þau, því ég fer til föðurins.
13. Og hvers sem þér biðjið í mínu nafni, það mun ég gjöra, svo að faðirinn vegsamast í syninum.
14. Ef þér biðjið mig einhvers í mínu nafni, mun ég gjöra það.
15. Ef þér elskið mig, munuð þér halda boðorð mín.
16. Ég mun biðja föðurinn, og hann mun gefa yður annan hjálpara, að hann sé hjá yður að eilífu,
17. anda sannleikans, sem heimurinn getur ekki tekið á móti, því hann sér hann ekki né þekkir. Þér þekkið hann, því hann er hjá yður og verður í yður.
18. Ekki mun ég skilja yður eftir munaðarlausa. Ég kem til yðar.
19. Innan skamms mun heimurinn ekki sjá mig framar. Þér munuð sjá mig, því ég lifi og þér munuð lifa.
20. Á þeim degi munuð þér skilja, að ég er í föður mínum og þér í mér og ég í yður.
21. Sá sem hefur boðorð mín og heldur þau, hann er sá sem elskar mig. En sá sem elskar mig, mun elskaður verða af föður mínum, og ég mun elska hann og birta honum sjálfan mig.
22. Júdas ekki Ískaríot sagði við hann: Herra, hverju sætir það, að þú vilt birtast oss, en eigi heiminum?
23. Jesús svaraði: Sá sem elskar mig, varðveitir mitt orð, og faðir minn mun elska hann. Til hans munum við koma og gjöra okkur bústað hjá honum.
24. Sá sem elskar mig ekki, varðveitir ekki mín orð. Orðið, sem þér heyrið, er ekki mitt, heldur föðurins, sem sendi mig.
25. Þetta hef ég talað til yðar, meðan ég var hjá yður.
26. En hjálparinn, andinn heilagi, sem faðirinn mun senda í mínu nafni, mun kenna yður allt og minna yður á allt það, sem ég hef sagt yður.
27. Frið læt ég yður eftir, minn frið gef ég yður. Ekki gef ég yður eins og heimurinn gefur. Hjarta yðar skelfist ekki né hræðist.
28. Þér heyrðuð, að ég sagði við yður: Ég fer burt og kem til yðar.

Ef þér elskuðuð mig, yrðuð þér glaðir af því, að ég fer til föðurins, því faðirinn er mér meiri.
29. Nú hef ég sagt yður það, áður en það verður, svo að þér trúið, þegar það gerist.
30. Ég mun ekki framar tala margt við yður, því höfðingi heimsins kemur. Í mér á hann ekki neitt.
31. En heimurinn á að sjá, að ég elska föðurinn og gjöri eins og faðirinn hefur boðið mér. Standið upp, vér skulum fara héðan.

Sumir ánetjast því að horfa á siðlausar myndir, setjast við tölvuna og fara að forvitnast. Þeir ætla kannski bara að kíkja en festast yfir þessu ljóta efni. Hvað svo. Mengast hugurinn,? Hjá mörgum. Sumir sitja í fangelsi vegna þess að þessi fíkn varð svo sterk að hún leiddi til hræðilegra glæpa. Allt vegna þess að hugurinn var gagntekinn af ljótum myndum.Maðurinn var villtur frá Guði og boðorðum hans, búinn að gleyma eða þekkti hann aldrei.

Mattheus 5.kafli.

1Þegar Jesús sá mannfjöldann gekk hann upp á fjallið. Þar settist hann og lærisveinar hans komu til hans. 2Þá hóf hann að kenna þeim og sagði

8Sælir eru hjartahreinir því að þeir munu Guð sjá.

29. Ef hægra auga þitt tælir þig til falls, þá ríf það úr og kasta frá þér. Betra er þér, að einn lima þinna glatist, en öllum líkama þínum verði kastað í helvíti.

28. En ég segi yður: Hver sem horfir á konu í girndarhug, hefur þegar drýgt hór með henni í hjarta sínu.

Jesaja 40.

1Huggið, huggið lýð minn, segir Guð yðar. 2Hughreystið Jerúsalem og boðið henni að áþján hennar sé á enda, að sekt hennar sé goldin, að hún hafi fengið tvöfalt af hendi Drottins fyrir allar syndir sínar. 3Heyr, kallað er: „Greiðið Drottni veg um eyðimörkina, ryðjið Guði vorum beina braut í auðninni, 4sérhver dalur skal hækka, hvert fjall og háls lækka. Hólar verði að jafnsléttu og hamrar að dalagrundum. 5Þá mun dýrð Drottins birtast og allt hold sjá það samtímis því að Drottinn hefur boðað það." 6Einhver segir: „Kalla þú," og ég spyr: „Hvað á ég að kalla?" „Allt hold er gras og allur yndisleikur þess sem blóm vallarins. 7Grasið visnar, blómin fölna þegar Drottinn andar á þau. Sannlega eru mennirnir gras. 8Grasið visnar, blómin fölna en orð Guðs vors varir að eilífu." 9Stíg upp á hátt fjall, Síon, fagnaðarboði. Hef upp raust þína kröftuglega, Jerúsalem, fagnaðarboði. Hef upp raustina og óttast eigi, seg borgunum í Júda: 10Sjá, Guð yðar kemur í mætti og ríkir með máttugum armi. Sjá, sigurlaun hans eru með honum og fengur hans fer fyrir honum. 11Eins og hirðir mun hann halda hjörð sinni til haga, taka unglömbin í faðm sér og bera þau í fangi sínu en leiða mæðurnar. 12Hver mældi vötnin í lófa sínum og afmarkaði himininn með spönn sinni? Hver mældi duft jarðar í mælikeri, vó fjöllin á reislu og hæðirnar á vogarskálum? 13Hver getur stýrt anda Drottins, hver ráðlagt honum og kennt? 14Hvern spurði hann ráða sér til skilningsauka, hver fræddi hann um leið réttvísinnar, veitti honum þekkingu, vísaði honum veginn til skilnings? 15Þjóðirnar eru sem dropi úr fötu og eru metnar sem ryk á vogarskálum, hann vegur eyjarnar sem sandkorn væru. 16Líbanonsskógur nægir ekki til eldiviðar og dýrin í honum ekki til brennifórnar. 17Allar þjóðir eru sem ekkert fyrir honum, hann metur þær einskis, minna en ekkert. 18Við hvern ætlið þér að líkja Guði og hvað viljið þér taka til jafns við hann? 19Hagleiksmaður steypir skurðgoð, gullsmiður slær það gulli og býr það silfurfestum.                                               20 Hinn fátæki velur í helgigjöf við sem fúnar ekki. Hann finnur hagan smið til að reisa líkneski sem haggast ekki.   21  Vitið þér ekkert, hafið þér ekki heyrt það, var yður ekki sagt það frá öndverðu, hefur yður ekki skilist þetta frá grundvöllun jarðar?                                                       22 Það er hann sem situr hátt yfir jarðarkringlunni en íbúar hennar líkjast engisprettum, hann þenur himininn út eins og voð og slær honum sundur eins og tjaldi til að búa í. 23Hann gerir höfðingja að engu, sviptir þjóðhöfðingja völdum.                                                      24 Þeir eru varla gróðursettir, varla sánir, stofn þeirra hefur varla fest rætur í jörð, fyrr en hann andar á þá og þeir skrælna og stormurinn feykir þeim burt eins og hismi                                     25   Við hvern ætlið þér að líkja mér, hver er jafningi minn? spyr Hinn heilagi.                           26   Hefjið upp augun og horfið til himins. Hver hefur skapað allt þetta? Það er hann sem kannar her stjarnanna, allan með tölu, nefnir þær allar með nafni. Þar sem hann er mikill að mætti og voldugur að afli verður engrar vant. 27 Hvers vegna segir þú, Jakob, hvers vegna talar þú svona, Ísrael: „Vegur minn er hulinn Drottni, Guð minn skeytir ekki um rétt minn." 28 Veistu ekki eða hefur þú ekki heyrt að Drottinn er eilífur Guð sem skapaði endimörk jarðar? Hann þreytist ekki, hann lýist ekki, viska hans er órannsakanleg. 29Hann veitir kraft hinum þreytta og þróttlausum eykur hann mátt. 30Ungir menn þreytast og lýjast, æskumenn hnjóta og falla    31en þeir sem vona á Drottin fá nýjan kraft, þeir fljúga upp á vængjum sem ernir, þeir hlaupa og lýjast ekki, þeir ganga og þreytast ekki.

35Segið þið ekki: Enn eru fjórir mánuðir, þá kemur uppskeran? En ég segi ykkur: Lítið upp og horfið á akrana, þeir eru fullþroskaðir til uppskeru.

Síðara Korintubréf 10

7Þið horfið á hið ytra. Ef einhver treystir því að hann sé Krists þá hyggi hann betur að og sjái að eins og hann er Krists, þannig er ég það einnig.

Hebreabréfið3.

1Helguðu vinir sem hafið fengið köllun til himinsins. Horfið til Jesú, postula og æðsta prests þeirrar trúar sem við játum. 2Hann var trúr Guði, er hafði skipað hann, eins og var um Móse „í öllu hans húsi". 3En hann er verður meiri dýrðar en Móse eins og sá er húsið gerði á meiri heiður en húsið sjálft. 4Sérhvert hús hefur einhver gert en Guð er sá sem allt hefur gert. 5Móse var að sönnu trúr í öllu hans húsi eins og þjónn. Hann átti að vitna um það sem boðað skyldi síðar 6en Kristur er sonur og er trúað fyrir að ráða yfir húsi hans. Og hans hús erum við ef við höldum djörfunginni og voninni sem við miklumst af. 7Því er það eins og heilagur andi segir: Ef þér heyrið raust hans í dag, 8þá forherðið ekki hjörtu yðar eins og í eyðimörkinni þegar feður yðar gerðu uppreisn og freistuðu mín. 9Þeir freistuðu mín og reyndu mig þótt þeir fengju að sjá verkin mín í fjörutíu ár. 10Þess vegna reiddist ég kynslóð þessari og sagði: Án afláts villast þeir í hjörtum sínum. Þeir þekktu ekki vegu mína. 11Og ég sór í bræði minni: Eigi skulu þeir inn ganga til hvíldar minnar. 12Gætið þess, bræður og systur, að hafa ekkert illt í hjarta og láta engar efasemdir bægja ykkur frá lifanda Guði. 13Uppörvið heldur hvert annað hvern dag á meðan enn heitir „í dag", til þess að enginn forherðist af táli syndarinnar. 14Því að við erum orðin hluttakar Krists svo framarlega sem við treystum honum staðfastlega allt til enda eins og í upphafi. 15Svo segir: „Ef þér heyrið raust hans í dag, þá forherðið ekki hjörtu yðar eins og í uppreisninni." - 16Hverjir voru þá þeir sem heyrt höfðu og gerðu þó uppreisn? Voru það ekki einmitt allir þeir sem Móse hafði leitt út af Egyptalandi? 17Og hverjum „var hann gramur í fjörutíu ár"? Var það ekki þeim sem syndgað höfðu og báru beinin á eyðimörkinni? 18Og hverjum „sór hann að eigi skyldu þeir ganga inn til hvíldar hans," nema hinum óhlýðnu? 19Við sjáum að sakir vantrúar fengu þeir eigi gengið inn.

25Þá var í Jerúsalem maður er Símeon hét. Hann var réttlátur og guðrækinn og vænti þess að Guð frelsaði Ísrael. Heilagur andi var yfir honum 26og hafði hann vitrað honum að hann skyldi ekki deyja fyrr en hann hefði séð Krist Drottins. 27Að leiðsögn andans kom hann í helgidóminn. Og er foreldrarnir færðu þangað sveininn Jesú til að fara með hann eftir venju lögmálsins 28tók Símeon hann í fangið, lofaði Guð og sagði: 29Nú lætur þú, Drottinn, þjón þinn í friði fara eins og þú hefur heitið mér
30því að augu mín hafa séð hjálpræði þitt, 31sem þú hefur fyrirbúið í augsýn allra lýða, 32ljós til opinberunar heiðingjum og til vegsemdar lýð þínum Ísrael.

Lúkasarguðspjall 7

22. Og hann svaraði þeim: Farið og kunngjörið Jóhannesi það, sem þið hafið séð og heyrt: Blindir fá sýn, haltir ganga, líkþráir hreinsast og daufir heyra, dauðir rísa upp og fátækum er flutt fagnaðarerindi.

Jóhannesarguðspjall 1

15. Jóhannes vitnar um hann og hrópar: Þetta er sá sem ég átti við, þegar ég sagði: Sá sem kemur eftir mig, var á undan mér, enda fyrri en ég.
16. Af gnægð hans höfum vér allir þegið, náð á náð ofan.
17. Lögmálið var gefið fyrir Móse, en náðin og sannleikurinn kom fyrir Jesú Krist.
18. Enginn hefur nokkurn tíma séð Guð. Sonurinn eini, Guð, sem er í faðmi föðurins, hann hefur birt hann.

Jóhannesarguðspjall 3

Maður hét Nikódemus, af flokki farísea, ráðsherra meðal Gyðinga.
2. Hann kom til Jesú um nótt og sagði við hann: Rabbí, vér vitum, að þú ert lærifaðir kominn frá Guði. Enginn getur gjört þessi tákn, sem þú gjörir, nema Guð sé með honum.
3. Jesús svaraði honum: Sannlega, sannlega segi ég þér: Enginn getur séð Guðs ríki, nema hann fæðist að nýju.

Við þurfum að dvelja við endurfæðingu á hverjum degi og leita Guðs, horfa til hans, sem er skapari alls því heimurinn hefur gleymt honum og afneitað. Við getum aðeins minnt okkur og aðra á hann í sífellu með því að sýna að við treystum honum, viljum lifa samkvæmt fyrirmynd þeirri sem Kristur gaf, horfa til hans, stöðugt svo við við fyllum ekki hugann af ljótleika syndarinnar.

 

Lukkuklukk

Bloggvinir hafa verið að tala um að setja upp klukk síðu með "lukkuklukki". Skrifa um blessanir í stað alls þess erfiða sem nóg er um talað. Ég get sett fram mitt þakklæti fyrir þessa helgi sem er að líða. Ég fékk lánaða 3 fjöruga stráka, tvo 4 ára og einn 1 árs. það eru forréttindi að fá að njóta svona stunda með ungu börnunum. Þeir fóru m.a. í að skreyta piparkökur hjá ömmu með miklum tilþrifum.  Svo var farið í bað, allir saman, því hér er stórt hornbaðkar sem þeir segja að sé sundlaug. þar er ærslast og skríkt, hlegið mikið þegar amma skýtur á þá vatnsbunu með fjarstýringunni á nuddið. já það er sko hlegið og amma nýtur góðs af því þetta feykir burt skammdegisdrunga. já amma getur hlegið með og þakkað Guði fyrir slíkar gjafir sem barnabörn eru, þegar allt er í lagi og þau eru glöð og heilbrigð. Annað sem ég tel með blessunum er Boðunarkirkjan og fólkið sem ég hitti þar á hvíldardögum kl. 11 til hvenær sem er eftir 2 á deginum þeim. Það er svo gott að koma þangað og syngja lofsöngva og hlýða á góðan boðskap og taka þátt í rannsókn á Biblíunni.  Af hverju er ekki þjóðkirkjan að fræða fólk meira? Hversvegna er veslings kirkjan sú eins og bara tæki til að uppfylla vissar venjur og siðareglur mestan part í andlegu lífi fólks? Ég veit þó að fólk nennir ekki upp til hópa að sinna slíku. Telur að þar sem presturinn fær sín laun á hann bara að þjónusta fólk og leyfa því svo að hafa sínar skoðanir án þess að reyna á nokkurn hátt að hlutast til um þær. Meira að segja heyrði ég í vinnunni minni ágæta samstarfskonu benda á að nærgætni skildi viðhöfð nærveru sálar, það er að tala til dæmis ekki um að Guð hafi skapað heiminn, ef Tælenskur einstaklingur er viðstaddur, þeir trúa á Búdda og þetta gæti sært þá. Gott og vel. Ég gat samt ekki stillt mig um að benda henni á þá staðreynd að það sem viðhaft er í nærveru okkar sem trúa heitt á Guð og Jesú Krist væri ekki minna særandi, upphrópanir eins og jíseskræst og allar hinar sem tengjast nafni Krists. Að ekki sé talað um blótið sem einnig er nóg af. Hún varð svolítið hissa og fannst þetta ekkert guðlast. Ég býst við að margir geri sér enga grein fyrir að þetta er rangt og ljótt.  Svo elsku vinir og velunnarar trúar af öllu tagi, gott að sýna virðingu þeim sem eru langt komnir að en gleymið ekki ykkar nánustu sem trúa á góðan Guð, við höfum líka tilfinningar.

Fjötrar vanans. Hugeiðing einn Hvíldaradaginn

        Við heyrum stundum fólk segja , "ég er ekkert nema vaninn", ég hef átt það til að segja þetta sjálf og eflaust sum ykkar. Ástæðan til að ég nefni þetta er sú að mér varð hugsað til þess hve mannfólkið er einatt fast í sínu fari og hugsar oftar en ekki lítið um hvort venjur þess eða hugsunarháttur hefur eitthvað með lífsheill þeirra, sannleika eða blekkingu að gera.  Við þrjú vorum að spjalla saman í vinnunni og ung og vel menntuð stúlka var að segja okkur hve merkilega konu vinkona hennar ætti að móður.    Móðirin kunni að spá og var merkilega skyggna á marga hluti. Undarlegir hlutir áttu það til að henda, svo sem að eyrnalokkur sem átti að liggja ásamt sínum samstæða á móti, lá allt í einu á krukkubotni á lýsispilluglasi dótturinnar sem á þessum tíma dvaldi á Spáni. Þegar dóttirin hafði símsamband við móður sína og spurði um lokkana, kom í ljós að aðeins annar var heima hjá móður hennar, faðir stúlkunnar hafði látist nokkrum árum áður og voru eyrnalokkarnir gjöf frá honum. Við þær fregnir að annar lokkurinn væri komin á þennan undarlega hátt til Spánar sagði móðirin við dóttur sína "hann pabbi þinn er bara að láta þig vita að hann fylgist með þér". Annað tilvik í sömu fjölskyldu var þannig að kona sem kom til að láta spá fyrir sér sat allt í einu inni í stofu og hafði enginn hleypt henni inn. Hún sagði að sér hefði verið boðið inn af manni sem sagði fátt en hvarf út úr stofunni um leið og hún var sest til að bíða. Við lýsingu konunnar á manninum sagði spákonan góða að þetta hefði verið hinn látni eiginmaður sinn. Munið þið eftir sögunni um konuna sem alltaf sauð fiskinn í 3 pottum? Þegar dóttir hennar spurði hvers vegna hún gerði það svaraði mamman, " nú hún mamma gerði það alltaf svona" Já en var það næg ástæða.?   Þegar gengið var eftir því við ömmuna hvers vegna hún hefði soðið fiskinn í 3 pottum, var svarið einfaldlega að hún átti ekki nógu stóran pott og fjölskyldan var svo stór.  Stundum hugsum við ekki sjálfstætt eða hvað.?     Getum við þroskast eða breyst ef við erum föst í sama farinu?      Getum við aukið á þekkingu okkar ef við teljum að foreldrar okkar og þeir sem mótuðu okkur hafi verið óskeikulir.?  Ég er ekki að gera lítið úr þeim sem voru á undan okkur.   Ég er líka þakklát móður minni fyrir að gefa mér líf en ef ég hefði til dæmis fest mig í lífsskoðunum hennar væri ég ekki hér að tala til ykkar og það sem meira er , ég væri á sama plani og stúlkan hér í frásögninni á undan.   Já vaninn er sterkur, hann mótar og festir. Alls konar vani, bæði andlegur og líkamlegur.   Getum við breytt þessu sjálf?   Kannski sumu.  Við eigum alltaf val.  En við vitum vel að jafnvel þeir sem velja að breyta einhverju í eigin fari heyja oft harðvítuga baráttu, ekki síst ef um einhverja fíkn er að ræða.     Ég get talað af eigin raun, ég hætti að reykja en Guð gaf mér frelsi frá fíkninni.   Ég sé oft fólk sem hættir á eigin spýtur og tekur lyf eða tyggur tyggigúmmí, er í sífelldri baráttu. Oft tapar það svo viðureigninni við fíknina og festist aftur í neti vanans.         Getum við breytt okkur, lífsviðhorfum okkar, hegðun og lífstíl á eigin spýtur?   Gæti verið ástæða að í Guðs orði er tekið fram að við eigum í baráttu sem er þyngri og erfiðari en við getum ímyndað okkur. Þess vegna segir í   :Jeremía 13:23
Getur blámaður breytt hörundslit sínum eða pardusdýrið flekkjum sínum? Ef svo væri munduð þér og megna að breyta vel, þér sem vanist hafið að gjöra illt.

Við lesum með hrylling um menn sem aka svo hratt að öllum sem nærri koma stafar lífshætta af. Nú eru að minnsta kosti 5 stórslösuð ungmenni á gjörgæslu eftir ofsaakstur.  Getur verið að ögrunin við dauðann sé að verða vani hjá mörgu fólki.  Getur verið að það að aka allt of hratt sé orðinn vani svo margra að æ oftar verði stór hætta ef fólk hættir sér út á þjóðvegi.     Páfinn í Róm sagði að háskaakstur væri synd. Ég fór að velta þessu fyrir mér.             Rökin voru þau að hver sá sem stefnir með aksturslagi sínu sér og öðrum í lífsháska væri að drýgja synd.     Félögum mínum í vinnunni fannst erfitt að nota orðið synd.      Það eru reyndar tvö "S orð "sem mjög margir vilja ekki kannast við að séu raunveruleg eða sannleikanum samkvæm í umfjöllun. Það eru orðin synd og Satan. Ég hef oft heyrt að fólk trúi ekki á tilvist hins illa og eins var þarna í vinnunni minni, er við rökræddum um sannleiksgildi spádóma.  Þegar ég benti á að ekki væri hægt að telja sig kristin ef maður tryði ekki því sem fram kæmi í Guðs orði, nema það sem passaði við smekk mans og væri innan þægindamarka. Samstarfskona mín gretti sig og sagði "en ekki skrifaði Guð biblíuna", Jú sagði ég , það segir Biblían að hann hafi gert á sinn hátt.

Og allavega er ekki hægt að segja sig kristinn og trúa sumu í Guðsorði en sleppa öðru, Jafnvel Múslímar telja ekki hægt að trúa sumu í Kóraninum en hafna öðru. "Þá verð ég bara að trúa á Búdda" sagði vinkonan, sem nýlega varði mastersritgerð sína í mannfræði. Ertu þá tilbúin að trúa á dauðar líkneskjur?. Spurði ég , "já alveg eins" svaraði hún. Eftir stuttan tíma fer þessi fallega unga kona til Afríku að vinna við þróunarstörf.     Ég sagði henni sanna sögu um bænheyrslu, þegar trúboði einn horfðist í augu við nokkra ræningja sem ætluðu jafnvel að drepa hann.

 Ég  ætla að bæta hér inn þessari sögu fyrir blogg vini og gesti: Trúboði þessi kom frá  smábæ í norður Ameríku. Hann var á gangi um kvöld og aleinn á mjóum illa upplýstum stíg. Allt í einu stóðu fyrir framan hann fjórir illúðlegir menn sem gerðu sig líklega til að ráðast á hann þá og þegar. Hann var einn og óvopnaður og bað í hljóði til Guðs að hjálpa sér. Allt í einu brast flótti á mennina og þeir flýðu dauðskelkaðir í burtu hver sem betur gat. Trúboðinn komst heim til hýbýla sinna og var að vonum feginn og þakklátur. En honum lék forvitni á að vita hvað hefði orsakað flóttann. Þegar hann þurfti að mæta niður á lögreglustöð næsta dag til að bera kennsl á menn sem grunaðir voru um rán og manndráp, kvöldið áður, sá hann aftur mennina sem ætluðu að ráðast á hann. Hann fékk að tala við forsprakka þeirra og spurði hann hversvegna þeir hefðu ekki klárað ætlunarverk sitt. Hinn svaraði þá,"nú við förum ekki að ráðast á mann sem hefur 6 alvopnaða lífverði í kring um sig"  Merkilegt?  En bíðið nú við. Nokkru síðar fór ungi maðurinn heim til bæjarins í norður Ameríku og mætti í kirkjuna sína fljótlega eftir heimkomuna. Þar kom hann upp i ræðupúlt og ávarpaði fólkið sem hann þekkti svo marga á meðal. Hann sagði m.a. frá þessari sérkennilegu reynslu sinni. Þá reis upp maður meðal áheyrenda og spurði,"hvenær nákvæmlega, átti sér stað þetta atvik, bæði tími og dagur". Trúboðinn sagði honum það og þá bað maðurinn 5 aðra menn að rísa úr sætum. Hann sagði að á þeirri sömu stundu og dimm nóttin var að færast yfir Afríku var hann staddur snemma morguns heima hjá sér og allt í einu fannst honum Guð leggja það á hjarta sitt að biðja fyrir þessum bróður í trúnni, þar sem hann var þá staddur í fjarlægu landi. Hann hringdi þá í 5 vini sína og bað þá að biðja með sér fyrir trúboðanum. Þeir gerðu einmitt það og eins og fyrr segir, birtust glæpamönnunum 6 vopnaðir lífverðir hjá trúboðanum.   Merkilegt? Það finnst mér og ég kann nokkrar fleiri frásagnir um björgun sem á ekkert skylt við látið fólk en sýnir hins vegar að englar bregðast örskjótt við og birtast mönnum stundum í ýmsum myndum, oftast til að koma sem best til hjálpar. Bænin er farvegur sem við hjálpum til við að mynda til að Guð fái komið með hjálp, því óvinurinn stendur sem fastast í móti og verður aðeins að víkja þegar hann sér að maðurinn biður einlæglega um hjálp Guðs. Munið að Jesús sagði að hann mundi knýja á, en það er okkar að opna og bjóða honum inn til að vera með í lífi okkar.    "Sá sem er ekki með mér er á móti mér", Sagði hann. Á hann bara að koma þegar við smellum fingrum, lendum í vandræðum? Erum við ekki með aðgerðarleysi okkar og áhugaleysi oft og einatt að bjóða einhverju öðru að dvelja í hjarta okkar?  Læt þessar hugrenningar duga, en held áfram með efnið sem var hér fyrir þetta innskot.

Hún hafði áður sagt okkur um einskonar kraftaverk fyrir tilstuðlan dulrænna afla. Að reyna að telja fólki trú um að til séu öflugar andaverur sem geta gert kraftaverk er álíka auðvelt eins og að segja því að hvítt sé svart.   Vaninn er sterkur, fólk er ekki vant að tala við Guð, það er ekki vant að sækja kirkju. Sumir fara í kirkju á jólum og páskum vegna þess að að það er venja í fjölskyldunni, og venjur geta verið býsna fastar og mikilvægar.  Hugsar þetta sama fólk um Guð á öðrum tímum ef allt gengur vel?       Hefur Jesú einhverja djúpa þýðingu í lífi þess í dag?      Hann sem sagði:   Jóhannesarguðspjall 14:23
Jesús svaraði: Sá sem elskar mig, varðveitir mitt orð, og faðir minn mun elska hann. Til hans munum við koma og gjöra okkur bústað hjá honum.   Hversu margir munu ekki ugga að sér í fyllingu tímans. 1. Jóhannesarbréf 2:17
Og heimurinn fyrirferst og fýsn hans, en sá, sem gjörir Guðs vilja, varir að eilífu. Lærisveinarnir voru vanir að róa til fiskjar. Þeir höfðu fastar venjur og þekktu ekkert annað. Líf þeirra var einfalt og fábrotið, þeir voru lítt menntaðir fiskimenn með einföld markmið.  Samt þegar Frelsarinn bauð þeim að sveigja allar vinnureglur og leggja netin aftur , bauð þeim að víkja frá vananum þá var svarið.     Lúkasarguðspjall 5:5
Símon svaraði: Meistari, vér höfum stritað í alla nótt og ekkert fengið, en fyrst þú segir það, skal ég leggja netin.

Eins og við höfum flest lesið og heyrt þá töpuðu þeir engu á að hlýða Drottni sínum.   Eins mun um hvern þann sem tekur á móti honum. Sem leggur sinn eigin vana í Hans hendur og biður um umbreytingu innra eðlis, biður Frelsarann að koma inn í hjartað. Sá mun ekki lengur vera reirður í fjötra vana og hefða.   Óvinurinn beitir mjög þeim aðferðum að binda og fjötra fólk í alkonar langanir, ávana og blekkingar.  Kristur leysir og frelsar.                 Jóhannesarguðspjall 7:38-39
-38- Sá sem trúir á mig, frá hjarta hans munu renna lækir lifandi vatns, eins og ritningin segir.   39- Þarna átti hann við andann, er þeir skyldu hljóta, sem á hann trúa. Því enn var andinn ekki gefinn, þar eð Jesús var ekki enn dýrlegur orðinn.                             

Bjóðum Andanum frá heilögum Föður og Syni að taka yfir líf okkar á hverjum degi. Biðjum um lausn frá vondum vana af öllu tagi.